នាព្រឹកថ្ងៃសុក្រ ទី១៩ ខែកុម្ភៈ ឆ្នាំ២០២១ ក្រុមសមាជិកព្រឹទ្ធសភាប្រចាំភូមិភាគទី១ (រាជធានីភ្នំពេញ) បានរៀបចំកិច្ចប្រជុំត្រៀមរៀបចំវេទិកានៅភូមិភាគទី១ រាជធានីភ្នំពេញ ក្រោមអធិបតីភាពរបស់ឯកឧត្ដមកិត្តិនីតិកោសលបណ្ឌិត ស៊ឹម កា អនុប្រធានទី១ព្រឹទ្ធសភា ដើម្បីប្រមូលព័ត៌មានទាក់ទងនឹងបញ្ហាប្រឈម និងសំណូមពរនានារបស់ក្រុមប្រឹក្សាសង្កាត់ក្នុងរាជធានីភ្នំពេញ សម្រាប់រៀបចំវេទិកាក្រោមប្រធានបទស្តីពី « ការអភិវឌ្ឍ និងផ្តល់សេវានៅមូលដ្ឋានប្រកបដោយប្រសិទ្ធភាព និងធានាបានសុខសុវត្ថិភាពជូនប្រជាពលរដ្ឋ» នាពេលខាងមុខ។ កិច្ចប្រជុំនេះ ប្រព្រឹត្តទៅនាសាលសិក្ខាសាលាប័ណ្ណាល័យព្រឹទ្ធសភា ដោយមានការអញ្ជើញចូលរួមពីសមាជិក សមាជិកាព្រឹទ្ធសភាប្រចាំភូមិភាគទី១ ឯកឧត្តមប្រធានក្រុមសមាជិកព្រឹទ្ធសភាប្រចាំភូមិភាគទី៥ ថ្នាក់ដឹកនាំ និងមន្រីរាជការនៃអគ្គលេខាធិការដ្ឋានព្រឹទ្ធសភា ព្រមទាំងប្រធានក្រុមប្រឹក្សាសង្កាត់ចំនួន ១០៥នាក់ក្នុងរាជធានីភ្នំពេញ៕
